काठमाडौँ । मोरङमा भारतीय गाडीले ठक्कर दिँदा दुई जनाको मृत्यु भएको छ । बुढीगंगा गाउँपालिका २ मा भारतीय नम्बर प्लेटको टेलर​को ठक्कर दिँदा दुई जनाको मृत्यु भएको हो ।

मृत्यु हुनेमा मोरङ केराबारी गाउँपालिका ७ का २७ वर्षीय हर्क परियार र २१ वर्षीय भीम बहादुर राई रहेको जिल्ला प्रहरी कार्यालय मोरङले जनाएको छ ।

विराटनगरबाट इटहरीतर्फ गइरहेको भारतीय नम्बर प्लेटका एफ आर ३८ एफ २२१० नम्बरको टेलर गाडीले सोही दिशातर्फ गइरहेको को ३० प ९१०३ नम्बर मोटरसाइकललाई ठक्कर दिएको हो ।

प्रहरीले भारतीय सवारी र चालकलाई नियन्त्रणमा लिएर अनुसन्धान सुरु गरेको छ ।