काठमाडाैं । काठमाडौं जिल्ला अदालतले व्यवसायी शेखर गोल्छालाई हिरासतमा राखेर अनुसन्धानका लागि म्याद दिन अस्वीकार गरेको छ।

मंगलबार न्यायाधीश मोना सिंहको इजलासले गोल्छालाई हिरासतमा राख्ने म्याद दिन अस्वीकार गरेको हाे ।

सोमबार सर्वोच्च अदालतले गोल्छालाई धरौटी वा जमानतमा छाड्न आदेश दिएको थियो । अदालतले गोल्छाको पक्राउमा कानुनी प्रक्रियामा त्रुटि देखाउँदै थुनामुक्त गरेर धरौटी जमानतमा अनुसन्धान अघि बढाउन आदेश दिएको थियो ।

आदेशपछि केन्द्रीय अनुसन्धान ब्युरोले उनीसँग ५ लाख रुपैयाँ धरौटी समेत लिएको थियो। तर लगत्तै बिमासम्बन्धी कसुरमाथि अनुसन्धानका निम्ति भन्दै उनलाई पुन: पक्राउ गरिएकाे थियाे ।