काठमाडौँ । झापाको कचनकवल गाउँपालिका ५ स्थित पठामारीमा एउटै रुखमा झुण्डिएको अवस्थामा भेटिएका तीन किशोरीको शव धरान पठाइएको छ ।

शव परीक्षणका लागि धरानस्थित विपी कोइराला स्वस्थ्य विज्ञान प्रतिष्ठानमा पठाइएको जिल्ला प्रहरी कार्यालय झापाले जनाएको छ ।

आइतबार बिहान सुनकोशी चिया बगानमा काम गर्दै आएका उनीहरूको शव झुण्डिएको अवस्थामा फेला परेको थियो । उनीहरू बयरको रुखको एउटै हाँगोमा झुण्डिएको अवस्थामा फेला परेको हो ।

मृत्यु हुनेहरूमा १६ वर्षीया करिना गणेश, १७ वर्षीया अञ्जली गणेश र १६ वर्षीया कल्पना गणेश रहेका छन् । उनीहरूले आफ्नो पढाइ छाडेर चिया बगानमा काम गर्दै आएका थिए ।