काठमाडौँ । एफवान सफ्ट गु्रपको प्रमुख सञ्चालन अधिकृतमा सोहम ढकाल नियुक्त भएका छन् । उनलाई एफवान गु्रपको सञ्चालक समितिको बैठकले अधिकृतमा नियुक्त गरेको हो ।

ढकाल यसअघि एक उद्यमीका रुपमा रहेका थिए । उनीसँग २४ वर्षभन्दा बढी सफल उद्यमीको रुपमा अनुभव छ ।

अमेरिकाको ओराकल सर्नर कर्पोरेशनबाट आफ्नो करियर सुरु गरेका ढकालले नेपाल फर्केपछि उद्यमी बनेका थिए । उनले साना किसान सहकारीलाई सफ्टवेयर उपलब्ध गराउनेदेखि विभिन्न किसिमका सफ्टवेयर निर्माण गरेका छन् ।

उनी यसअघि भायानेटको प्रमुख सञ्चालन अधिकृतको रुपमा कार्यरत थिए । उनले कम्प्युटर विज्ञान र गणितमा स्नातक गरेका छन् । एफवान सफ्टमा आबद्ध भएसँगै उनले कम्पनीलाई थप उचाईमा पुर्याउने अपेक्षा गरिएका छन् ।

सफट्वेयरको क्षेत्रमा ख्याती कमाएको एफवान सफ्ट कम्पनी नेपालका ठूला आईटी कम्पनी मध्येको एक हो । सन् २००४ देखि सञ्चालनमा आएको एफवान सफ्टले वित्तीय क्षेत्रका सफट्वेयर निर्माण तथा उत्पादन गर्दै नेपाललगायत विदेशी मुलुकमा बिक्री वितरण गर्दै आएको छ ।

एफवान सफ्टकै भगिनी संस्था इसेवा नेपालको पहिलो र बजार हिस्सामा पहिलो स्थानमा रहेको छ ।