काठमाडौँ । पूर्व अर्थमन्त्री जनार्दन शर्मामाथि छानबिन गर्न बनेको संसदीय विशेष समितिले मागेको सिंहदरबारको दक्षिण र पश्चिम गेटको सीसीटीभी फुटेज गृह मन्त्रालयले उपलब्ध गराएको छ ।

पूर्व अर्थमन्त्री शर्माले आर्थिक वर्ष २०७९–८० को बजेट निर्माण गर्ने क्रममा अनधिकृत व्यक्ति प्रवेश गराएर करको दर हेरफेर गरेको भन्दै प्रश्न उठेको थियो । अहिले गृह मन्त्रालयले दिएको फुटेजबारे अध्ययन भइरहेको छ ।

संसदीय समितिलाई अर्थ मन्त्रालयले १४ जेठको फुटेज नै नभएको जनाएको थियो । सीसीटीभी क्यामेरा फरेन्सिक प्रयोगशालामा परीक्षण गर्दा पनि १४ जेठको फुटेज फेला परेको छैन ।