काठमाडौं । उमेर घटाएर नक्कली प्रमाणपत्र पेश गरेको अभियोगमा विशेष अदालतले नेपाल प्रहरीका एक प्रहरी नायव उपरीक्षक (डिएसपी)लाई ८ महिना कैद सुनाएको छ । विशेष अदालतले डिएसपी रमेश सिंहलाई ८ महिना कैद सुनाएको हो । कीर्ते कागजातको कसुरमा उनलाई विशेष अदालतले यसअघि नै दोषी ठहर गरेको थियो । तर सजाय निर्धारण हुन बाँकी थियो । पूर्णपाठ सार्वजनिक भएसँगै सिंहलाई ८ महिना कैद सजाय तोकेको प्रस्ट भएको हो । यस्तै उनलाई १५ हजार रुपैयाँ जरिवाना पनि हुने फैसलामा उल्लेख छ ।

डीएसपी सिंहले जन्म मिति २०३२ साललाई २०३३ साल बनाएर नक्कली प्रमाण पत्र पेश गरी प्रहरी निरीक्षकमा भर्ना भएको विशेष अदालतले ठहर गरेको हो ।