काठमाडौँ । जनरल इन्स्योरेन्स कम्पनी नेपाल लिमिटेड र मनमोहन मेमोरियल मेडिकल कलेज एण्ड टिचिङ हस्पिटलबीच नगदरहित सेवा प्रदान गर्नेसम्बन्धी सम्झौता भएको छ ।

सम्झौता पत्रमा इन्स्योरेन्स कम्पनीका प्रमुख कार्यकारी अधिकृत राम चन्द्र श्रेष्ठ र मेडिकल कलेजका तर्फबाट नास्तु शर्माले हस्ताक्षर गरेका थिए । सम्झौतापश्चात इन्स्योरेन्स कम्पनीबाट औषधोपचार बीमा सेवा खरिद गर्ने ग्राहकले बीमा लेखको सीमासम्म मनमोहन अस्पतालबाट नगदरहित सुविधा प्राप्त गर्न सक्ने छन् ।