काठमाडौँ । श्रीलंकामा इन्धन कारोबार गर्दा क्युआर कोडमार्फत् गर्ने व्यवस्था लागू गरिएको छ । इन्धनको अभाव हुनु र इन्धन किन्न चाहने उपभोक्ता धेरै भएकाले भिड व्यवस्थापन गर्न गाह्रो भएर क्युआर कोड प्राणाली लागू गरिएको हो ।

क्युआर कोडमार्फत कारोबार गरेपछि इन्धनको समान तथा पारदर्शी वितरण हुने, लाइनमा भिड लगाउन नपर्नेलगायतका फाइदा हुने सरकारी अधिकारीले जनाएका छन् ।

देशभरिका सबै पेट्रोल पम्पमा यो व्यवस्था गरिएको र उपभोक्तालाई यसबारे जानकारी गराइएको उर्जा मन्त्री कन्चना विजेसेकेराले बताए । उनले इन्धन लिनका लागि पेट्रोल पम्पमा भिडभाड नगर्न पनि उपभोक्तलाई अनुरोध गरेका थिए ।

सरकारले उपभोक्तको चापका आधारमा हरेक पेट्रोल पम्पलाई इन्धनको कोटा निर्धाण गरेर कोटा अनुसारको इन्धन उपलब्ध गराएको छ ।