काठमाडौं । सत्ता गठबन्धन दलको बैठकले ४ मसिरमा प्रतिनिधि सभा र प्रदेश सभाको चुनाब गर्ने गरि चुनाबको मिति घोषणा गर्न सहमति जुटाएको छ ।

बुधबार प्रधानमन्त्रीको सरकारी निवास बालुवाटारमा बसेको सत्ता गठबन्धन दल काङ्ग्रेस , माओवादी केन्द्र जनता समाजबादी , एकिकृत समाजवादी र राष्ट्रिय जनमोर्चाको नेताहरुको बैठकले २०७९ मंसिर ४ गते संसदीय चुनाव गर्ने गरि सहमति जुटाएको हो ।

गठबन्धन दलको बैठकमा भएको सहमति आनुसार अब सरकारले भोलि बस्ने मन्त्रीपरिषदको वैठकबाट चुनाबको मिति घोषण गर्ने तयारी रहेको बैठकमा सहभागी एक नेताले बताए ।

निर्वाचन आयोगले मंसिर २ गते चुनाव गर्न परामर्श दिएको छ, तर प्रधानमन्त्री शेरबहादुर देउवा ४ मंसिरमा चुनाव घोषणा गर्ने तयारीमा छन् ।

निर्वाचन आयोगको सिफारिसमा सरकारले चुनाब मिति घोषणा गर्ने प्राबधान छ ।

बैठकमा चुनाव मिति घोषणा भएपनि अहिलेको प्रतिनिधि सभाको कार्यकाल भने चुनाबै सम्म कायम रहने विषयमा पनि दलहरुको सहमति छ ।