काठमाडौं । नेपाल आदिवासी जनजाति पत्रकार महासंघ (फोनिज)ले संगठनका तीन जना पूर्व अध्यक्षलाई अभिनन्दन गर्ने भएको छ ।

फोनिजको संगठनात्मक जीवनमा अतुलनिय योगदान पुर्याएको भन्दै संस्थापक अध्यक्ष र दुई पूर्वअध्यक्षलाई अभिनन्दन गर्न लागिएको फोनिजका महासचिव मिलन लिम्बुले जानकारी दिए ।

फोनिजले संस्थापक अध्यक्ष चन्द्रसिंह कुलुङ, पुर्वअध्यक्षद्वय खिम घले र मोहनसिंह लामालाई २३ औँ स्थापना दिवसको आवसरमा अभिनन्दन गर्ने निर्णय गरेको महासचिव लिम्बूद्वारा जारी विज्ञप्तिमा जनाइएको छ ।

स्थापना दिवसको अवसरमा आगामी साउन २७ गते काठमडाौंमा आयोजित विषेश समहारोमार्फत उनीहरुलाई अभिनन्दन गर्ने कार्यक्रम तय भएको विज्ञप्तिमा उल्लेख छ ।

त्यस्तै आदिवासी जनजाति राष्ट्रिय पत्रकारिता पुरस्कार २०७९ बाट गोपाल देवान सुनसरी, अनिता गुरुङ काठमाडौं, राजु चौधरी चितवन र अप्सरा समाल उदयपुर लाई पुरस्कृत गर्ने पनि लिम्बुले जारी गरेको विज्ञेप्तीमा उल्लेख छ ।

त्यस्तै, फोनिज मातृभाषा पत्रकारिता सम्मान २०७९ बाट बुङ्वाखा मासिक काठमाडौंलाई पुरस्कृत गर्ने निर्णय फोनिजको छ । पुरस्कार तथा सम्मान छनोट गर्न फोनिजले निर्वतमान अध्यक्ष डण्ड गुरुङको संयोजकत्वमा सल्लाहकारहरु आङदावा शेर्पा र मनोज घर्तीमगर सदस्य रहेको समिति बनाएको थियो ।