काठमाडौँ । अफगानिस्तानको काबुलमा बिहीबार भएको बम विस्फोटमा तालिबान धर्मगुरु शेख रहिमुल्लाह हक्कानीको मृत्यु भएको स्थानीय सञ्चारमाध्यमले जनाएका छन् ।

राजधानीमा भएको विस्फोटमा हक्कानी मारिएका टोलो समाचार समितिले जानकारी दिएको छ । अफगानिस्तानमा पछिल्ला हप्तामा शृङ्खलाबद्ध विस्फोट भएका छन् । राजधानी काबुलको चन्दवाल, पुल ए सोख्ता र सरकारिजलगायतका धेरै क्षेत्रमा विस्फोट भएका छन् ।

अगस्ट ६ मा काबुलको पश्चिममा पर्ने पुल ए सोख्ता क्षेत्रनजिक भएको विस्फोटमा कम्तिमा तीन जनाको मृत्यु हुनुको साथै अन्य सात जना घाइते भएका थिए ।
अफगानिस्तानमा भर्खरै भएको विस्फोटको संयुक्त राष्ट्र सङ्घले निन्दा गरेको छ ।

यसमा परी १२० भन्दा बढी व्यक्तिको मृत्यु र घाइते भएका छन् । विस्फोटको इस्लामिक स्टेट्सले दाबी गरेको छ । अफगानिस्तानमा रहेको संयुक्त राष्ट्र सङ्घीय कार्यालयले अल्पसंख्यकका लागि थप सुरक्षाको आग्रह गरेको छ ।