काठमाडौं । पूर्व प्रधानमन्त्री डा बाबुराम भट्टराई र महेन्द्रराय यादव अध्यक्ष रहेको नेपाल समाजवादी पार्टी प्रदेश भेलामा जुटन थालेको छ । नेसपाले सूदुरपश्चिम प्रदेशमा भेला आयोजना गर्न लागेको छ । नेसपाका कार्यकारिणी सदस्य तथा सूदुरपश्चिम प्रदेश इन्चार्ज डा. जनक राज शाहका अनुसार सूदुरपश्चिमस्तरीय भेला भोलि मंगलबार (साउन ३१ गते) आयोजना हुँदैछ ।

धनगढी उपमहानगरपालिका वार्ड ५ हसनपुर स्थित होटल विकासको सभा हलमा भेला आयोजना गरिएको शाहले बताए । भेलामा सूदुरपश्चिम प्रदेशमा राजनीतिक कार्यक्षेत्र भएका वैकल्पिक बिचारधारा बोक्ने नेपाल समाजवादी पार्टी का सम्पुर्ण नेताकार्यकर्ताहरुर सदस्य समर्थक शुभचिन्तकहरु लाई अनिवार्य उपस्थितिको लागि आग्रह गरिएको शाहले बताए ।

नेसपाले आगामी मंसिर ४ गते तय भएको प्रतिनिधीसभा तथा प्रदेश सभाको चुनावमा माओवादी केन्द्रको चुनाव चिन्ह्रमा चुनाव लड्ने भएको छ । त्यसका लागि डा बाबुराम भट्टराई र माओवादी केन्द्रका अध्यक्ष प्रचण्डका वीचमा समझदारी बनिसकेको छ । दुवै पार्टीको भोलि नै बैठक बसेर यस बारेमा औपचारिक निर्णय लिने र निर्वाचन आयोगलाई जानकारी गराउने तयारी पनि भएको छ ।