काठमाडौँ । नेपाल सरकारले पश्चिम सेती र सेती नदी -६ जलविद्युत परियोजनासम्बन्धी श्वेतपत्र गरेको छ । लगानीको बोर्डको ५२ औँ बैठकको निर्णयानुसार उक्त श्वेत पत्र जारी गरेको हो ।

बैठकको निर्णयानुसार इन्डिकेटिभ जडित क्षमता ७५० मेगावाटको पश्चिम सेती जलविद्यु्त परियोजना तथा ४०० मेगावाटको सेती नदी- ६ परियोजनाको विस्तृत परियोजना अध्ययन प्रयोजनार्थ सर्वेक्षण अनुमति पत्र जारी गर्न आयोजित कार्यक्रममा सो श्वेतपत्र पनि जारी गरिएको हो ।

राजधानीमा बिहीबार साँझ आयोजित कार्यक्रममा प्रधानमन्त्री शेरबहादुर देउवा, उर्जा मन्त्र पम्फा भुसाल, अर्थमन्त्र िजनार्दन शर्मालगायत उच्च सरकारी अधिकारीको उपस्थिति थियो ।

प्रस्तावित ७५० मेगावाट जडित क्षमताको जलाशययुक्त पश्चिम सेती जलविद्युत परियोजनाको कूल लागत १३२० मिलियन अमेरिकी डलर अनुमान गरिएको छ । यस्तै, ४५० मेगावाट क्षमताको सेती नदी -६ जलविद्युत परियोजनाको अनुमानित लागत ८०० मिलियन अमेरिकी डलर रहेको छ ।