काठमाडौँ । उदयपुरको ताप्ली गाउँपालिका १ स्थित यारी खोलामा माछा मार्ने क्रममा पानीमा डुबेर एक युवकको ज्यान गएको छ । मृत्यु हुनेमा ३५ वर्षीय नगेन्द्र राई रहेका छन् ।

राई खोलामा जाल हाली माछा मार्न गएकोमा दहमा डुबेर मृत अवस्थामा फेला परेको सूचना प्राप्त हुनासाथ घटना स्थलमा इलाका प्रहरी कार्यालय कटारीबाट प्रहरी अधिकृतको टोली पुगेको थियो ।

मृतक राईको शवलाई पोस्टमार्टमका लागि कटारी अस्पताल पठाइएको र थप अनुसन्धान भइरहेको जिल्ला प्रहरी कार्यालय उदयपुरका प्रहरी निरीक्षक मोहन थापाले बताए ।