रुपन्देही । नेकपा एकीकृत समाजवादीका सम्मानित नेता झलनाथ खनाल र एमाले उपाध्यक्ष विष्णु पौडेलबीच जम्काभेट भएको छ । वाम गठबन्धनको पक्षमा रहेका दुवै नेताका वीचमा भैरहवा विमानस्थलमा जम्काभेट भएको हो ।

पार्टी कामले रुपन्देही आइपुगेका खनाल र चुनावी तयारीका लागि रुपन्देहीमै रहेका एमाले उपाध्यक्ष पौडेलबीच गौतमबुद्ध अन्तर्राष्ट्रिय विमानस्थल भैरहवामा आइतवार जम्काभेट र केहीबेर कुराकानी भएको हो ।

विशिष्ट कक्षमा दुवै नेताहरुले केहीबेर कुराकानी गरेका थिए । खनालले पौडेलसँग सामान्य कुराकानी भएको टिप्पणी गरे । तर उनले सत्ता गठबन्धनबाटै आफु अन्तिमपटक उम्मेदवार बन्न लागेको बताए ।

‘अहिले म सत्ता गठबन्धनबाटै उम्मेदवार बन्छु, यो मेरो अन्तिम पटकको उम्मेदवारी हुनेछ,’ खनालले पत्रकारहरुसँग भने ।