काठमाडौँ । हेटौँडा उपमहानगर ४ का वडाध्यक्ष नवीन सिग्देलमाथि कुटपिट भएको छ । नेकपा एमालेका सचिवसमेत रहेका वडाध्यक्ष सिग्देलमाथि सानु लामा दोङले कार्यकक्षमै कुटपिट गरेका हुन् ।

दोङले आफूमाथि हातपात गरेको भन्दै वडाध्यक्ष सिग्देलले लामाविरुद्ध जिल्ला प्रहरी कार्यालय मकवानपुरमा उजुरी दिएका छन् । वडाध्यक्ष सिग्देलले आफूमाथि कुटपिट गरेको भन्दै कारबाहीको माग गरेपछि प्रहरीले दोङको घरमा छापा मारेको थियो ।

जिल्ला प्रहरी कार्यालय मकवानपुरका प्रहरी नायव उपरीक्षक प्रहरी प्रवक्ता टेकबहादुर कार्कीका अनुसार एमालेकै जिल्ला सदस्यसमेत रहेका दोङको खोजी कार्य भइरहेको छ ।