काठमाडौँ । भारतको नोयडामा कानुनविपरीत बनाएको दुई अग्ला भवनहरू (टावर) भत्काइएको छ । उक्त ३२ र ३१ तले घर भत्काउन जम्मा नौ सेकेण्ड मात्रै लागेको समाचारमा जनाइएको छ ।

सुपरटेक बिल्डरले निर्माण गरेका यी दुई भवनलाई एपेक्स र केयन नामले चिनिँदै आएको थियो । टावर भत्काउन तीन हजार ७०० किलो विस्फोटक पदार्थ प्रयोग गरिएको थियो ।

भवन भत्केपछि धुलो उड्ने भएकाले आसपासका ठाउँ खाली गराइएको थियो । यस्तै, आसपासको सडक बन्द गरिएको थियो ।

सुपरटेकले भवन आचारसंहिताको उल्लंघन गरेको भन्दै भारतको सर्वोच्च अदालतले टावर भत्काउन आदेश दिएको थियो । भवन भत्काउन र भत्काएपछिको सफाइमा लाग्ने खर्च कम्पनीले नै खर्च गर्ने भएको छ । एजेन्सी

भिडियो : टाइम्स अफ इण्डिया