काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आगामी संघ र प्रदेशसभा निर्वाचनपछि प्रत्यक्ष कार्यकारी राष्ट्रपति र पूर्ण समानुपातिक निर्वाचन प्रणाली लागु गर्न आन्दोलन गर्नु पर्ने बताएका छन् ।

आइतबार माओवादी केन्द्रको बागमती प्रदेश कमिटीको बैठकलाई सम्बोधन गर्दै प्रचण्डले चुनावअघि यी काम पूरा गर्न सम्भव नभएको बताएका थिए । यस आन्दोलन पूरा गर्न तयार अवस्थामा बस्न पार्टीका नेता तथा कार्यकर्तालाई प्रचण्डले निर्देशन दिएको माओवादी केन्द्रका बागमती प्रदेश कमिटीका अध्यक्ष सरल सहयात्रीले बताए।

बैठकलाई सम्बोधन गदै गर्दै प्रचण्डले अहिलेकै गठबन्धनबाट निर्वाचन लड्नेसमेत बताए । उनले कांग्रेससँग अविश्वास र नेकपा एकीकृत समाजवादीसँग अफ्ठ्यारो भए पनि मिलाएर अघि बढ्नु पर्ने धारणा राखे ।