काठमाडौँ । नेपाल बार एसोसिएसनले प्रधानन्यायाधीश चोलेन्द्र शमशेर जबराविरुद्ध विभिन्न प्रमाण उपलब्ध गराएको छ । उनीविरुद्ध लागेको महाभियोग पुष्टि आधार हुने दाबीसहित बारले प्रमाणहरू उपलब्ध गराएको हो ।

महाभियोग सिफारिस समितिलाई प्रधानन्यायाधीशसँग सम्बन्धित आरोपसम्बन्धित कागजात तथा विवरण उपलब्ध गराइएको हो । महाभियोग आरोप पुष्टि गर्ने प्रमाणका रुपमा बारले समितिलाई बुझाएको पत्रमा २४ वटा बुँदा रहेका छन् ।

बारले जबरालाई हटाउनु पर्ने माग राख्दै आन्दोलन गरेको थियो । यस्तै, महाभियोग लगाइएकोमा स्वागत गरेको थियो ।