काठमाडौँ । राष्ट्रपति विद्यादेवी भण्डारीले नेकपा एमालेका नेताहरूलाई बोलाएकी छन् । उनले नेपाली कांग्रेसका नेताहरूसँग छलफल गरेपछि एमालेका नेताहरूलाई बोलाएकी हुन् ।

सोमबार दिउँसो ५ बजे राष्ट्रपति कार्यालयमा छलफल गर्न उनले एमाले नेताहरूलाई बोलाएको शितल निवास स्रोतले जनाएको छ । बैठकमा एमाले अध्यक्ष केपी शर्मा ओली नजाने भएका छन् । उनी अस्वस्थ भएकाले उपाध्यक्ष सुवासचन्द्र नेम्वाङसहितका नेताहरू राष्ट्रपति कार्यालय जाने भएका छन् ।

छलफलको विषय नखुले पनि हाल राष्ट्रियसभाको विधायन समितिमा छलफलमा रहेको नागरिकता विधेयकबारे छलफल गर्न बोलाइएको अनुमान गरिएको छ ।