काठमाडौँ । नेकपा एमालेका नेता महेश बस्नेतमाथि अर्मयादित शैलीमा भ्रम फैलाएको भन्दै आरोपीलाई कारबाही गर्न माग गरेको छ ।

एमालेनिकट एक विद्युतीय संस्था ‘साइबर सर्कल’ले नेता बस्नेतको चरित्र हत्या गरेको भन्दै आरोपीलाई कारबाही गर्न माग गरेको हो ।

‘सामाजिक सञ्जाल फेसबुकमा एसपी रेग्मी र केशव थुलुङ भन्ने दुई वटा फेसबुक एकाउन्टबाट नेकपा एमालेका पोलिटब्युरो सदस्य महेश बस्नेतको भिडियो भनि कपोल कल्पित राजनीतिक रुपमा समाजमा अफवाह फैल्याउने, दुस्सप्रचार गर्ने तथा एउटा राजनितिज्ञको चरित्र हत्या गर्ने काम भयको हुनाले त्यस्ता अमर्यादित र समाजलाई भ्रमित पार्नेलाई तुरुन्त पक्राउ गरी कानुन बमोजिम कारबाही गरिदिनुहुन बिनम्र अनुरोध छ,’ विज्ञप्तिमा भनिएको छ ।

नेता बस्नेतले काठमाडौँका मेयर बालेन साहले अवैधानिक संरचना भत्काएकाे विराेध गर्दै आएका थिए । उनले बानेश्वरस्थित अल्फाबिटाको अवैध संरचना भत्काएपछि मेयर साहमाथि खनिएका थिए ।

यसै क्रममा आज दिउँसो नेता बस्नेतमाथि हमला भन्दै एक पुरानो भिडियो सामाजिक सञ्जालमा पोष्ट भएको थियो ।