काठमाडौं । संघ र प्रदेशको निर्वाचनको चहलपहल भइरहेको बेला चीनबाट उच्चतहको भ्रमण हुन लागेको । चीनका राष्ट्रिय जनकंग्रेसका अध्यक्ष ली चान्सुले नेपालको तीन दिने भ्रमण गर्न लागेका हुन् ।

ली भदौ २७ देखि २९ सम्म तीन दिनेसम्म नेपालको भ्रमण गर्न लागेका परराष्ट्र मन्त्रालय स्रोतले जनाएको छ । चीनबाट पछिल्लो समय पटक–पटक नेपालको भ्रमण भइरहेको छ । उनी प्रतिनिधिसभाका सभामुख अग्नि सापकोटाको निमन्त्रणामा नेपाल आउन लागेका समेत स्रोेतले बतायो । साउनमा महिना नेपालको तर्फबाट परराष्ट्रमन्त्री नारायण खड्काले पनि चीनको भ्रमण गरेका थिए ।
चीनको संविधान अनुसार चिनियाँ राष्ट्रपति सी चिनफिङपछि ली दोस्रो वरियताका नेता हुन् । चिनियाँ राष्ट्रपति सीपछि नेपाल भ्रमण गर्ने ली अर्को उच्च तहका नेता हुन् ।
सीले २०७६ साल असोज २५ र २७ तीनदिने उच्च तहमा राजकीय भ्रमण गरेका थिए । गत चैतमा चिनियाँ विदेशमन्त्री वाङ यीले नेपाल भ्रमण गरेका थिए भने चिनियाँ विदेश विभागका प्रमुख लिउ जियानचाओले नेपालको भ्रमण गरेका थिए ।