काठमाडौं । डा. प्रकाश बुढाथोकीले केन्द्रीय कारागार अस्पतालको निर्देशकको रुपमा जिम्मेवारी सम्हालेका छन्।

डा बुढाथोकीले पद्भार ग्रहण गर्दै डा. बुढाथोकीले अस्पतालको विकासका लागि काम गर्ने बताए।

‘अस्पतालको विशेषज्ञ सेवा, भौतिक पूर्वाधार लगायतमा कहाँ कहाँ समस्या छ भनेर पहिला बुझ्छु। त्यसपछि अस्पतालको सेवा र पूर्वाधारका लागि योजना बनाएर काम गर्छु,’ उनले भने।

कारागार अस्पतालमा सबै आधारभूत सेवा उपलब्ध गराउने र विशेषज्ञ सेवाका लागि मात्र बाहिर रिफर गरिने उनले बताए। अस्पतालको आफ्नै एम्बुलेन्स खरिदका लागि समेत पहल गर्ने उनले बताए।