काठमाडौँ । श्रीमतीको हत्या गरेको अभियोगमा गणेशमान चारनाथ नगरपालिका ६ मुसहर टोल बस्ने रेबिया सदा पक्राउ परेका छन् । उनलाई प्रहरीले सोमबार पक्राउ गरेको हो ।

मादक पदार्थ सेवन गरी रेबियाले ३२ वर्षीया श्रीमती दुलारीलाई सिलौटाले छातीमा हानेका थिए । सिलौटाको प्रहारबाट उनको घटनास्थलमै मृत्यु भएका प्रहरीले जनाएको छ ।

खबर प्राप्त हुनासाथ इलाका प्रहरी कार्यालय ढल्केवर र प्रहरी चौकी पोर्ताहाबाट खटिएको टोलीले उनलाई पक्राउ गरेको हो । प्रहरीले यस सम्बन्धमा आवश्यक अनुसन्धान गरिरहेको छ ।