काठमाडौँ । पर्यटकीय नगरी पोखरामा रहेको फेवातालमा डुंंगा चढ्दा फोनपे क्यूआरमार्फत भुक्तानी गर्नेको संख्या बढ्न थालेको छ । यसअघि नगद कारोबार चलिरहेको डुंगा व्यवसायमा फोनपे क्यूआर सञ्चालमा आएसँगै फेवाताल घुम्न जाने पर्यटकमा फोनपेप्रति आकर्षण बढेको हो ।

फोनपे र फेवाताल डुंगा व्यवसायी संघसँगको सहकार्यमा केही दिनअघि फोनपेमार्फत भुक्तानी गर्न सकिने सेवाको सुरुवात गरिएको थियो । बाराहीघाटमा राष्ट्र बैंकका कार्यकारी निर्देशक गुरु प्रसाद पौडेल र फोनपेका सिइओ दिवस सापकोटाको उपस्थितीमा एक कार्यक्रमका बीच क्यूआर भुक्तानी सेवाको सुरुवात गरिएको थियो ।

कार्यक्रममा मनोरञ्जन प्रदान गर्न बोटिङ्ग प्रतिस्पर्धा आयोजना गरिएको थियो । फोनपेका ब्राण्ड एम्बेस्डर सन्दीप क्षेत्रीले मनोरञ्जन प्रदान गरेका थिए । फोनपेले यतिबेला चाडवाड लक्षित विभिन्न अफरसमेत सञ्चालन गरिरहेको छ ।

यसैगरी क्यूआरमार्फत भुक्तानी लिने मर्चेण्टले हरेक दिन सामसुङको आकर्षक मोबाइल फोन जित्न सक्ने छन् । मर्चेण्टको यो योजना कार्तिक १२ गत सम्म सञ्चालन हुनेछ । फोनपे नेटवर्कमा आवद्ध कुनै पनि बैंक तथा वित्तीय संस्था तथा विभिन्न भुक्तानी सेवा प्रदायकका मोबाइल एप्सबाट सहजै क्यूआरमार्फत भुक्तानी गर्न सकिन्छ ।

यसैगरी फोनपे डाइरेक्टमार्फत् मोबाइल नम्बर राखेर कुनै पनि बैंकको बैंक खातामा रकम पठाउन सकिन्छ ।