काठमाडौँ । सेञ्चुरी कमर्सियल बैंक लिमिटेड र दराज केयमु प्रा.लि.बीच बैंकमा खाता रहेका ग्राहकलाई दराजको ११.११ अभियानमा छुट प्रदान गर्ने गरी सम्झौता भएको छ ।

यो योजना नोभेम्बर ११, २०२२ (कार्तिक २५ गते)देखि लागू हुनेछ । उक्त सम्झौता पत्रमा बैंकको तर्फबाट प्रमुख व्यापार प्रवर्धन अधिकृत शंकर केसी र दराज केयमु प्रा.लि.का तर्फबाट पेमेन्ट प्रबन्धक जोनाम भुर्तेलले हस्ताक्षर गरेका छन् ।

बैंकमा खाता रहेका ग्राहकले दराजको ११.११ अभियानमार्फत अनलाइन सामान खरिद गर्दा बैंकको डेबिट कार्डबाट गरिने भुक्तानीमा अधिकतम १५ प्रतिशत वा २५ सयसम्मको छुट र क्रेडिट कार्डबाट गरिने भुक्तानीमा अधिकतम २० प्रतिशत वा तीन हजारसम्मको छुट प्रदान गर्ने गरी सम्झौता भएको छ । उक्त छुट प्राप्त गर्नका लागि ग्राहकले आफ्नो कार्डको ई कमर्स सेवा सुरु गर्नु पर्ने छ ।

सेञ्चुरी कमर्सियल बैंक लिमिटेडले १४८ शाखा, १० एक्सटेन्सन काउण्टर, २४ शाखारहित बैंकिङ्ग र ११५ वटा एटिएम मार्फत वित्तीय सेवा प्रदान गर्दै आएको छ ।