काठमाडौँ । मिसेलिन टायर ब्राण्डको नेपालस्थित आधिकारिक बिक्रेता सिप्रदी अटोपार्टस प्रा. लि. ले उक्त ब्राण्डको नयाँ सोरुम विरगञ्जको बाइपास रोडमा स्थापना गरेको छ ।

“जय मा दुर्गा टायर हाउस“ नामक यस सोरुमको उद्घाटन कम्पनीका वरिष्ठ महाप्रबन्धक युवराज बुढाथोकीले एक कार्यक्रमबीच गरेका थिए । ग्राहकवर्ग एवं रिटेलरको उपस्थिति रहेको उक्त समारोहमा सोरूमका संचालक मदन प्रसाद यादवलाई विक्रेता नियुक्ति सम्बन्धि प्रमाणपत्र वितरण गरिएको थियो ।

साथै सोरुम उद्घाटनको अवसरमा ग्राहकलाई एक जोडी मिसेलिन टायरको खरिदमा एउटा ज्याकेट निःशुल्क प्रदान गरिएको छ । जय मा दुर्गा टायर हाउसमा कमर्सिअल (ट्रक, टिपर, बस आदि) र पेसेञ्जर (इभी, एसयुभी आदि) गाडीका लागि विभिन्न मोडेलका मिसेलिन टायरहरु उपलब्ध छ ।