काठमाडौँ । अमेरिकी एक अदालतले बिहीबार भारतीय मूलका रमेश सन्नी बलवानीलाई लगानीकर्तासँग झुटो बोलेको र करोडौं रकम ठगी गरेको भन्दै १३ वर्षको जेल सजाय सुनाएको छ ।

वास्तवमा सन्नीकी पूर्व प्रेमिका एलिजाबेथ होम्सले सन् २००३ मा रक्त परीक्षण स्टार्टअप थेरानोस सुरु गरिन् । सन्नी बलवानी यस कम्पनीमा एलिजाबेथ होम्सका बिजनेस पार्टनर र प्रमुख अपरेटिङ अफिसर थिए । थेरानोसले रगत परीक्षणको क्षेत्रमा क्रान्ति ल्याउने दाबी गरेकी थिइन् ।

अदालतले बलवानीलाई १२ वटा मुद्दामा दोषी ठहर गरेको छ । तीमध्ये १० ठगीसँग सम्बन्धित छन् भने दुई षड्यन्त्रसँग सम्बन्धित छन् । अभियोजकले बलवानीलाई १५ वर्षको जेल सजाय र करिब १० हजार करोड रुपैयाँ क्षतिपूर्तिको माग गरेको थियो ।

सन्नीकी पूर्व प्रेमिका र थेरानोसका संस्थापकलाई धेरै वर्षसम्म झुट बोलेको र लगानीकर्तालाई धोका दिएकोमा छुट्टाछुट्टै मुद्दा चलाइएको थियो । यस मामिलामा उनलाई गत महिना ११ वर्षको जेल सजाय सुनाइएको थियो ।

एलिजाबेथ सजायका लागि आफ्नो सम्पूर्ण परिवार र साथीसँग क्यालिफोर्नियाको अदालतमा पुगिन् । सजाय पाएपछि एलिजाबेथले आफ्ना लगानीकर्ता, मानिस र बिरामीसँग माफी मागेकी छिन् ।