काठमाडौँ । ५४ सन्तान र ६ पत्नीका परिवार भएका पाकिस्तानी अब्दुल मजिदको हृदयघातका कारण मृत्यु भएको छ । उनी नोस्की जिल्लामा बस्ने ७५ वर्षीय ट्रक चालक हुन् ।

अब्दुलले आफ्नो मृत्युको ५ दिनअघिसम्म ट्रक चलाएको उनका छोरा शाह वलीले बताए । वलीले भने, ‘हामीमध्ये धेरैले पढेका छौँ, तर रोजगारी पाएका छैनौँ, त्यही भएर हामीले बुवाको उचित उपचार गराउन सकेनौँ, बाढीले घर पनि ध्वस्त भएको छ ।’

जीवनभर ट्रक चलाएका अब्दुलले महिनामा १५ हजारदेखि २५ हजार पाकिस्तानी रुपैयाँ मात्र कमाउन सक्थे । उनका जेठो छोरा ३७ वर्षीय अब्दुल वलीले पनि बुबाले जस्तै ट्रक चलाउँदै आएका छन् ।

दुई श्रीमती र १२ छोराछोरीको मृत्यु

अब्दुल २०१७ को जन गणनाको समयमा चर्चामा आएका थिए । त्यो पाकिस्तानमा १९ वर्षपछिको जन गणना थियो ।

जनगणना टोलीले अब्दुल ४ श्रीमती र ४२ सन्तानसँग बस्दै आएको पत्ता लगाएका थिए । सोही समयमा उनका दुई श्रीमती र १२ सन्तानको मृत्यु भइसकेको थियो ।उनको पहिलो विवाह १८ वर्षको उमेरमा भएको थियो ।

उनको सात कोठाको घरमा उनका २२ छोरा र २० छोरीहरू सँगै बस्थे । उनीहरू पालैपालो बालबालिकालाई भेट्ने र पारिवारिक कार्यक्रममा सहभागी हुने गरेका छन् ।

उनीका अधिकांश बालबालिका १५ वर्ष मुनिका छन् । उनकी कान्छी छोरी ७ वर्षकी छन् । एजेन्सी