काठमाडौँ । नेपाल टेलिकम र सिभिल बैंक लिमिटेडबीच एक सम्झौता भएको छ । सम्झौता पत्रमा नेपाल टेलिकमको तर्फबाट प्रमुख व्यवसायिक अधिकृत संगिता अर्याल र सिभिल बैंकका तर्फबाट चिफ विजिनेस भोला बहादुर बिष्टले हस्ताक्षर गरेका छन् ।

सम्झौता पत्रअनुसार ०७९ पौष १ गतेदेखि नेपाल टेलिकमको मोबाइल सेवा प्रयोगकर्ताहरूले डाटा अन गरी सिभिल बैंकको मोबाईल बैंकिङ एपमार्पmत फण्ड ट्रान्सफर, क्यूआर पेमेन्ट लगायत अन्य फिचरहरूको उपयोग गर्दा कुनै पनि शुल्क लाग्ने छैन ।

नेपाल राष्ट्र बैंकको विद्युतीय माध्यममार्फत कारोबार गर्न प्रोत्साहन गर्ने नीति बमोजिम सिभिल बैंकले आफ्नो ग्राहकहरुको सुविधालाई मध्यनजर गर्दै यो सम्झौता गरेको हो ।

सिभिल बैंकको साढे चार लाखभन्दा बढी मोबाइल बैंकिङ एपका प्रयोगकर्ताहरू यस सम्झौता पत्रबाट प्रत्यक्ष लाभान्वित हुने बैंकका चिफ बिजिनेस बिष्टले बताए ।

सिभिल बैंकको हाल ११५ शाखा, १३ वटा एक्सटेन्सन काउण्टर तथा १०२ एटिएममार्फत सेवा प्रदान गर्दै आएको छ ।