काठमाडौँ । समयमा अस्पताल पुर्याउन एम्बुलेन्स नपाउँदा पाँचथर कुम्मायक २ की सुत्केरी महिलाको मृत्यु भएको छ ।

प्रसूतिपश्चात अत्यधिक रक्तस्राव हुँदा जिल्लाको कुम्मायक गाउँपालिका २ मङजाबुङकी १९ वर्षीया मनिषा आचार्यको बुधबार मृत्यु भएको हो ।

पुस २० गते १० बजे स्वास्थ्य चौकी मङजाबुङमा प्रसूतिका लागि ल्याइएकी उनले ११ः५५ बजे बच्चा जन्माएकी थिइन् । मृतक किशोरीका श्रीमान् वैदेशिक रोजगारीमा छन् ।