काठमाडौँ । १७ वर्षीया किशोरीलाई बलात्कार गरेको अभियोगमा सिन्धुली फिक्कल गाउँपालिका ६ घर भई ललितपुर महानगर २४ धापाखेल बस्ने एक जना पक्राउ परेका छन् ।

पक्राउ पर्नेमा १९ वर्षीय बेधबहादुर नेपाली रहेको प्रहरीले जनाएको छ । उनलाई शनिबार साँझ पक्राउ गरेको हो । 

बेधबहादुरले किशोरीलाई १६ पुसमा धापाखेलस्थित आफ्नै टहराभित्र बलात्कार गरेको भन्ने उजुरीको आधारमा प्रहरी वृत्त सातदोबाटोबाट खटिएको प्रहरीले उनलाई पक्राउ गरेको हो ।