काठमाडौँ । भिभोले भी सिरिज र वाई सिरिजका स्मार्टफोनहरू भी २३ ई र वाई ५३ एसमा भारी मात्रामा मूल्य घटाएको छ । भी २३ ई को दुवै संस्करणमा पाँच हजार रुपैयाँले मूल्य घटाएको हो ।

अब भी २३ ई ८ जीवी+१२८ जीवीको मूल्य ३६,९९९ र भी २३ ई ८ जीवी+२५६ जीवी संस्करणको मूल्य ४१,९९९ बनाएको छ । त्यस्तै, वाई ५३ एसको मूल्य चार हजारले घटाएर ३०,९९९ बनाएको छ । यो नयाँ मूल्य जनवरी ०१, २०२३ देखि जनवरी ३१, २०२३ सम्म भिभोका सबै रिटेल स्टोरहरू र इ–कमर्स वेबसाइटहरूमा लागू हुनेछ ।

भिभो नेपालका सीईओ माइकलले भने, “भिभोमा, हामी सधैं हाम्रा ग्राहकहरूको जीवनलाई समृद्ध बनाउन र उनीहरूका लागि हाम्रा उत्पादनहरू थप पहुँच योग्य बनाउने तरिकाहरू खोजिरहेका हुन्छौँ, भी २३ ई र वाई ५३ एस मा मूल्य घटेको घोषणा गर्दछौँ, हामी भिभोमा हाम्रा उत्पादनहरूद्वारा प्रयोगकर्ताहरूको जीवनमा सुधार ल्याउन निरन्तर प्रयासरत छौं ।”