काठमाडौं । राष्ट्रिय वाणिज्य बैंकको ५८ औं वार्षिकोत्सव कार्यक्रम मंगलबार सम्पन्न भएको छ । बैंकले विविध कार्यक्रमको आयोजना गरी वार्षिकोत्सव मनाएको हो । सो अवसरमा बोल्दै बैंकका प्रमुख कार्यकारी अधिकृत किरण कुमार श्रेष्ठले अहिले नेपाली बैंकिङ क्षेत्रमा वाणिज्य बैंक सबल, सुदृढ र अग्रणी स्थानमा रहन सफल भएको बताए ।

उनले वाणिज्य बैंकले अधिकतम श्रोत परिचालन तथा व्यवसाय विस्तार, किष्कृय कर्जा व्यवस्थापन, बैंकको रिब्रान्डिङ, प्रविधिमा सुधारलगायतका क्षेत्रमा काम गरेको बताए ।

विगतका वर्षहरुमा विभिन्न उतारचढाव भोगेको बैंकले पछिल्ला वर्षहरुमा वित्तीय सूचक र व्यवस्थापनमा उल्लेख्य सुधार भएको सीईओ श्रेष्ठको भनाई छ । बैंकको वित्तीय अवस्था सुधारका लागि पाँच वर्षीय रणनीतिक योजना तर्जुमा गरि म्यानेजमेन्ट अडिट, मानव संशाधन अडिटलगायतका काम गरेको पनि उनले बताए ।

बैंकले वार्षिकोत्सवको अवसरमा केहिदिन अघिदेखि विभिन्न खेलकुद प्रतियोगिता, आँखा परीक्षण, स्वास्थ्य परीक्षण, कार्यालयहरुको सरसफाई, हाजिरी जवाफ प्रतियोगिता कार्यक्रम गर्दै अाएकाे थियाे।

बैंकको हाल ७ प्रदेश, ७७ जिल्लाका सबै सदरमुकाममा सहित २६५ वटा शाखा कार्यालय, ५१ वटा एक्सटेन्सन काउन्टर, २६८ वटा एटिएम र १०२ वटा शाखा रहित बैंकिङ्ग रहेको छ ।