कन्नड सुपरस्टार यश आफ्नो उत्कृष्ट अभिनयका लागि चिनिन्छन्। केजीएफ र केजीएफ २ मा उनले आफ्नो दमदार प्रदर्शनले फ्यानको मन जितेका थिए। यो फिल्मले बक्स अफिसमा बम्पर कमाई गरेको थियो । यसको नाम सन् २०२२ को सबैभन्दा धेरै कमाउने फिल्मको सूचीमा परेको छ । यशले केजीएफ च्याप्टर २ पछि आफ्नो अर्को फिल्मको घोषणा नगरे पनि अहिले सुपरस्टारलाई फिल्म निर्माताले अप्रोच गरेको खबर छ ।

मिडिया रिपोर्टका अनुसार फिल्म निर्माता-निर्देशक नितेश तिवारी र मधु मन्टेनाले यशलाई आफ्नो पौराणिक फिल्म रामायणमा कास्ट गर्न अप्रोच गरेका छन्। यो फिल्ममा रावणको भूमिकाका लागि यशलाई अप्रोच गरिएको छ । विशेष कुरा के छ भने यशले पनि यो फिल्मका लागि चासो देखाइरहेका छन् । रिपोर्टका अनुसार यश आफ्नो आगामी प्रोजेक्टका लागि ठूलो सोचमा छन् । उनले देशका विभिन्न चलचित्र उद्योगका स्क्रिप्ट सुनिरहेका छन् ।

रिपोर्टका अनुसार यश रामायण फिल्मको प्रि-भिजुअलाइजेसनबाट धेरै खुसी छन् र टोलीसँग भेटघाट गरिरहेका छन्। उनले अबको दुई महिनाभित्र यसबारे निर्णय लिन सक्नेछन् । यति मात्र होइन, यस फिल्ममा रणवीर कपूर रामको भूमिकामा देखिनेछन् ।

रिपोर्टका अनुसार यशसँग ब्रह्मास्त्र २ को अफर पनि छ । करण जोहरले यशलाई देवको भूमिका अफर गरेका थिए । यश पनि यो फिल्मलाई लिएर निकै उत्साहित छन् ।