काठमाडौं । ग्लोबल आइएमई बैंकले ५ वर्ष अवधिका लागि ५ अर्ब रुपैयाँको ऋणपत्र जारी गर्ने भएको छ ।

५ वर्ष अवधिको ११.२५५ ब्याजदर भएको ‘ग्लोबल आइएमई बैंक डिबेन्चर २०८४/८५’ जारी गर्न लागेको हो ।

बैंकले प्रतिइकाई १ हजार रुपैयाँका दरमा ५० लाख कित्ता ऋणपत्र माघ २९ गतेदेखि जारी गर्न लागेको हो । जसमा ३० लाख कित्ता बैंकले विभिन्न संघ संस्थालाई बिक्री गर्ने छ भने १ लाख इकाई सामुहिक लगानी कोषलाई छुट्याएको छ । बाँकी रहेको १९ लाख ३० हजार कित्ता सर्वसाधारणका लागि जारी गर्ने छ ।

आवेदनकर्ताले फागुन ३ गतेसम्म आवेदन दिन सक्नेछन् । ऋणपत्रमा न्यूनतम २५ देखि अधिकतम १० लाख कित्तासम्म आवेदन दिन सकिनेछ ।

यसको बिक्री प्रबन्धकमा सनराइज क्यापिटल रहेको छ ।