काठमाडौँ । साताको अन्तिम कारोबार दिन आज सेयर बजार ओरालो लागेको छ । नेप्से परिसूचक २१.१५ अंकले घटेर २०७० बिन्दुमा रोकिएको हो ।

यस्तै, सेन्सेटिभ परिसूचक ३.७० अंकले घटेर ३९६.४४ विन्दुमा पुगेको छ । नेपाल स्टक एक्सचेञ्ज (नेप्से)मा कूल २५६ कम्पनीको ४७ लाख ४७ हजार ५६७ कित्ता सेयर खरिद बिक्री हुँदा एक अर्ब ६८ करोड रुपैयाँमाथिको सेयर कारोबार भएको छ ।

त्यस्तै, कारोबारको आधारमा हिमालय डिस्टिलरी शीर्ष स्थानमा रहेको छ । यसको आज पाँच करोड ३८ लाखभन्दा बढीको कारोबार भएको छ ।

यसैगरी अपी हाइड्रोपावरको पाँच करोड १३ लाखभन्दा बढीको कारोबार भएको छ । बिहीबारको कारोबारमा सबै उपसूचक ओरालो लागेको छ ।

यस्तै, सानिमा ठूलो क्याप कोषको सेयर कारोबार ७.६५ प्रतिशतले बढेको छ ।