काठमाडौं । ट्विटरपछि अब फेसबुक र इन्स्टाग्रामले पनि ब्लु टिक भेरिफिकेसनका लागि पैसा लिने भएको छ । मेटाका संस्थापक मार्क जुकरबर्गले आइतबार राति सब्सक्रिप्शन सेवा सुरु गर्ने बारे जानकारी दिएका हुन्।

यो हाल अष्ट्रेलिया र न्यूजील्याण्डका प्रयोगकर्ताहरूका लागि परीक्षण आधारमा रोल आउट भइरहेको छ। परीक्षणपछि यसलाई अमेरिकामा लन्च गरिनेछ ।

जुकरबर्गले लेखेका छन्, ‘यस हप्ता हामी मेटा भेरिफाइड सर्भिस लन्च गर्दैछौँ । यो सदस्यता सेवा हो। यसमा तपाईले सरकारी परिचयपत्र मार्फत निलो टिक पाउनुहुनेछ। यसले खातालाई अतिरिक्त सुरक्षा दिनेछ। यस बाहेक, प्रयोगकर्ताहरूलाई धेरै अतिरिक्त सुविधाहरू दिइनेछ। यो नयाँ सेवा प्रामाणिकता र सुरक्षा बढाउनको लागि हो’।