फेसबुकले आफ्ना प्रयोगकर्ताका लागि नयाँ ‘क्रिएटिभ एक्सप्रेशन’ फिचर ल्याएको छ । अब फेसबुक प्रयोगकर्ताले ९० सेकेन्डको रिल बनाउन सक्नेछन्, यसअघि ६० सेकेण्डको सीमा थियो ।

साथै, प्रयोगकर्ताहरूले इन्स्टाग्राम जस्तै आफ्नो ‘मेमोरिज’ को सजिलै ‘रेडीमेड’ रिलहरू सिर्जना गर्न सक्छन्। फेसबुकको मूल कम्पनी मेटाले मेटा फर क्रिएटर्स अकाउन्टबाट फेसबुकमा यो फिचरकाे घोषणा गरेको हो।

एजेन्सीका अनुसार मेटाले फेसबुकमा नयाँ ग्रोभ फिचर पनि लन्च गरेको छ । यो सुविधाले प्रयोगकर्ताको भिडियोमा भएको गतिलाई गीतको तालमा स्वतः सिङ्क गर्छ। नयाँ टेम्प्लेट उपकरणले प्रयोगकर्ताहरूलाई ट्रेन्डिङ टेम्प्लेटहरूसँग सजिलैसँग रिलहरू सिर्जना गर्न दिन्छ। मेटाले गत वर्ष फेसबुकको लागि रिल क्रिएटर सुविधा ल्याएकाे थियाे।

एजेन्सी