काठमाडौं । उद्योगीहरुको छाता संगठन नेपाल उद्योग वाणिज्य महासंघको निर्वाचनमा एशोसिएटतर्फको उपाध्यक्षमा ज्योत्सना श्रेष्ठ विजयी भएकी छन् ।रामचन्द्र संघाई प्यानलकी उनी निर्वाचित भएकी हुन् ।

श्रेष्ठले अर्का प्रत्यासी भरतराज आचार्यलाई ६५ मत अन्तरले हराइन् । कूल १ हजार ६५० मत खसेकोमा ज्योत्सनाले ८४६ र भरतले ७८१ मत पाएको निर्वाचन समितिले जनाएको छ ।

जिल्ला नगर उपाध्यक्षमा संघाइ प्यानलकै सुरकृष्ण वैद्य र वस्तुगत उपाध्यक्षमा उमेशलाल श्रेष्ठ प्यानलका हेमराज ढकाल विजयी भएका छन् ।

अब बरिष्ठ उपाध्यक्षको मात्रै मत गणना गर्न बाँकी छ ।