काठमाडौँ । युगाण्डाको राजधानी शहरमा आइतबार साँझ एउटा भवन भत्किँदा एक जनाको मृत्यु भएको छ । घटनामा चार जना घाइते भएको प्रहरीले जनाएको छ ।

कम्पाला इन्टरनेशनल युनिभर्सिटी नजिकैको रेस्टुरा रहेको सो भवन व्यावसायिक भवन रहेको कम्पाला महानगरीय क्षेत्रका उप प्रहरी प्रवक्ता ल्यूक ओवोइसिगाइरेले जनाएका छन् ।

उनले सो अवसरमा मानिसहरू सो रेस्टुरामा वेस्ट ह्याम युनाइटेड र आर्सनलबीचको इङ्लिस प्रिमियर लिग खेल हेर्दै रहेको बताएका छन् । सामान्य चोटपटक लागेका अन्य चार जनालाई उद्धार गरी मुक्वाया अस्पताल पुर्याइएको छ ।