काठमाडौं । साताको तेस्रो कारोबारको दिन शेयर बजारमा सामान्य गिरावट आएको छ । आज नेप्से परिसूचक ३ अंकले घटेर १,९०४ दशमलव ९८ को विन्दु झरेको हो ।

मंगलबार ६१ कम्पनीको शेयर मुल्य बढेको छ भने १४२ कम्पनकिो शेयर मुल्य घटेको छ । आज दिनभरिमा २६६ कम्पनीको २९ करोड ७५ लाख ९२० कित्ता शेयर किनबेच हुँदा ८७ करोड ४ लाख रुपैयाँको शेयर कारोबार भएको छ ।

मंगलबार सबैभन्दा धेरै प्रभु बैंकको संस्थापक शेयर कारोबार भएको छ । बैंकको ५ करोड २६ लाख रुपैयाँ संस्थापक शेयर कारोबार भएको छ । त्यस्तै शिवम् सिमेन्टको ३ करोड ९८ लाख रुपैयाँको शेयर कारोबार भएको छ ।