काठमाडौँ । राष्ट्रिय स्वतन्त्र पार्टी (रास्वपा)ले कारबाही गरेका सांसद ढाकाकुमार श्रेष्ठले दायर गरेको मुद्दामा अल्पकालीन अन्तरिम आदेश जारी भएको छ ।

सर्वोच्च अदालतका न्यायाधीश तिलप्रसाद श्रेष्ठको एकल इजलासले सांसद श्रेष्ठलाई कारबाही गर्नुको कारण माग गर्दै आदेश जारी गरेको हो ।

श्रेष्ठले स्वास्थ्य तथा जनसंख्यामन्त्री बन्न ‘कोर टिम’ले साढे २ करोड रुपैयाँ मागेको भन्दै व्यवस्थापन गर्न मेडिकल व्यवसायी दुर्गा प्रसाईंसँग गरेको फोन संवाद सार्वजनिक भएकोे थियो ।

यससँगै रास्वपाले साधारण सदस्यसमेत नरहने गरी कारबाही गरी उनलाई सांसदबाट हटाएको थियो । कारबाही कानुन सम्मत नभएको भन्दै श्रेष्ठ सर्वोच्च अदालत पुगेका थिए ।