सर्लाही । जिल्लाको पर्सा गाउँपालिका ६ स्थित सीमा इलाकाबाट वैशाख २६ गते सशस्त्र प्रहरीले दुई लाख ८८ हजार रुपैयाँ बराबरको चोरीका लत्ता कपडा बरामद गरेको छ ।

भारतबाट अवैध रुपले नेपालतर्फ ल्याउँदै गरेको करिब तीन लाख मूल्य बराबरको लत्ता कपडा ल्याउने व्यक्ति सशस्त्र प्रहरी लाई टाढैबाट देख्नासाथ सामान छाडी फरार भएपछि सशस्त्र प्रहरी बल नेपाल नम्बर १० गण सर्लाहीले बरामद गरेको हो ।

बरामद लत्ताकपडा आवश्यक कारबाहीको लागि मलगंवा भन्सार कार्यालयमा बुझाइएको छ ।