काठमाडौं । बलिउड अभिनेत्री सारा अली खान हालै कान्स फिल्म फेस्टिभल २०२३ मा सहभागी भएकी थिइन् । यसैक्रममा उनले आफ्नो बलिउड यात्राबारे खुलासा गरेका छन् ।

फिल्म कम्प्यानियनलाई अन्तर्वार्ता दिँदै अभिनेत्री साराले बलिउड उद्योगमा आफ्नै दमले स्थान बनाएको बताएकी छन् । उनले आफ्नी आमाका साथीहरु निकै कम भएकाले पनि बलिउडमा आफैले संघर्ष गर्नुपरेको उनले बताइन् । सारा बलिउड अभिनेता सैफ अलि खान र अमृता सिंहकी छाेरी हुन् ।

कान्स फिल्म फेस्टिभलमा भाग लिएकी सारा पनि रेड कार्पेटमा हिँडेकी देखिएकी थिइन् । यस अवसरमा उनले चलचित्र क्षेत्रमा आफ्नो सम्बन्धको बारेमा पनि कुरा गरेकी थिइन् ।

साराले सन् २०१८ मा अभिषेक कपूरको फिल्म केदारनाथबाट बलिउडमा डेब्यू गरेको थिइन् । यस फिल्ममा उनी बाहेक सुशान्त सिंह राजपूत पनि महत्वपूर्ण भूमिकामा देखिएका थिए ।