काठमाडौँ । अहिले मुलुकभर पश्चिमी वायुको साथै स्थानीय वायुको सामान्य प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ। महाशाखाका अनुसार मुलुकभरका पहाडी भू–भागहरूमा आँशिक बदली रही बाँकी भू–भागहरूमा आंशिक बदली रहने छ ।

देशको पहाडी भू–भागहरुका केही स्थानहरुमा मेघगर्जन र चट्याङसहित मध्यम वर्षाको सम्भावना रहेको छ।

राति पहाडी भू–भागहरूमा सामान्य बदली रही बाँकी भू–भागहरूमा मौसम सामान्यतया सफा रहने छ।

मधेश, बागमती र गण्डकी प्रदेशका केही स्थानहरुमा मेघगर्जन र चट्याङसहित हल्कादेखि मध्यम वर्षा तथा बाँकी प्रदेशका थोरै स्थानहरुमा मेघगर्जन र चट्याङसहित क्षणिक वा हल्का वर्षाको सम्भावना रहेको छ।

पहाडमा चट्याङसहितको वर्षाबाट हुने क्षति र तराईमा हावाहुरीबाट हुने क्षतिबाट बच्न महाशाखाले सबैमा अनुरोध गरेको छ ।