काठमाडौं । आर्थिक बर्ष २०८०।८१ को बजेटमाथि आजबाट संसद्मा छललफल सुरु हुँदैछ । त्यसका लागि संघीय संसद्का दुवै सदनको बैठक आह्वान भएको छ ।

संघीय संसद्को प्रतिनिधि सभाको बैठक बिहान ११ बजे र राष्ट्रिय सभाको बैठक दिउँसो एक बजेका लागि बोलाइएको छ ।

जेठ १५ गते सरकारका तर्फबाट अर्थमन्त्री डा. प्रकाशशरण महतले आर्थिक बर्ष २०८०।८१ को बजेट संयुक्त सदनमा पेस गरेका थिए ।

सरकारले आगामी आर्थिक वर्षका लागि १७ खर्ब ५१ अर्ब ३१ करोड बराबरको बजेट प्रस्तुत गरेको छ ।

कुल विनियोजनमध्ये चालुतर्फ ११ खर्ब ४१ अर्ब ७८ करोड अर्थात् ६५ दशमलब २० प्रतिशत, पुँजीगततर्फ तीन खर्ब दुई अर्ब सात करोड करोड अर्थात् १७ दशमलब २५ प्रतिशत र वित्तीय व्यवस्थापनतर्फ तीन खर्ब सात अर्ब ४५ करोड अर्थात १७ दशमलब ५५ प्रतिशत रहेको छ ।