काठमाडौँ । भक्तपुर नगरपालिकाकाले आगामी आर्थिक वर्ष २०८०/०८१ को बजेट सार्वजनिक भएको छ । पालिकाले दुई अर्ब २६ करोड ८५ लाख रुपैयाँको बजेट सार्वजनिक गरेको हो ।

नगरपालिकाको चौधौँ नगरसभाको बैठकमा उपप्रमुख रजनी जोशीले बजेट प्रस्तुत गरेकी हुन् । नगरपालिकाले चालूतर्फ एक अर्ब ३७ करोड ९४ लाख र पुँजीगत खर्चतर्फ ७९ करोड ४१ लाखको बजेट सार्वजनिक गरेको हो ।

नगरपालिकाको बजेटले सामुदायिक विद्यालयमा कार्यरत कर्मचारी तथा सहयोगीको तलबमा प्रतिव्यक्ति मासिक दुई हजार रुपैयाँ वृद्धि गर्ने निर्णय गरेको छ ।