काठमाडौं । साना किसान विकास र आरएमडीसी लघुवित्तको शेयर कारोबार १५ दिन रोक्का रहने भएको छ । दुबै संस्थाहरु एक आपसमा मर्ज भई यही असार २४ गतेदेखि एकीकृत कारोबार गर्दैछन् ।

कम्पनीहरुले शेयर मिलान, धितोपत्र पुनः दर्ता, धितोपत्र अभौतिकरण तथा सूचीकरण प्रयोजनको लागि एकीकृत कारोबारको मितिले १५ दिन शेयर कारोबार रोक्का रहने संस्थाले जनाएको छ ।

कम्पनीको यही असार १७ गते साझ बसेको संयुक्त मर्जर समितिको निर्णयले शेयर कारोबार रोक्का हुने भएको हो । मर्जरपश्चात कम्पनीले साना किसान विकास लघुवित्तको नामबाट एकीकृत कारोबार गर्ने भएको छ । साना किसान विकास लघुवित्त र आरएमडिसी लघुवित्तबीच गत भदौ २ गते सम्झौता भएको हो । दुवै लघुवित्त १००ः८७ को स्वाप रेसियो अनुपातमा मर्ज हुने भएका हुन् ।