काठमाडौं । सुन तस्करी आरोपमा त्रिभुवन अन्तराष्ट्रिय विमानस्थलबाट चिनियाँ नागरिक लिङ चुवान पक्राउ परेका छन् । नेपाल छोडेर जाने तयारीमा रहेका बेला चुवान त्रिभुवन अन्तर्राष्ट्रिय विमानस्थलबाट पक्राउ परेका हुन् ।

उनीसँगै चितवनका अशोक लामा पनि पक्राउ परेका छन् । यसअघि मोटरसाइकल र स्कुटरको ब्रेक शुभित्र लुकाएर ल्याइएको सुन बुधबार भन्सार जाँच पास गरेर बाहिरिसकेको अवस्थामा सिनामंगलबाट राजश्व अनुसन्धान विभागको टोलीले बरामद गरेको थियो ।

त्यो सुन तस्करी प्रकरणमा उनीहरुको संलग्नता रहेको राजश्व अनुसन्धान विभागको दाबी छ ।